Policia Financiare parashtron ankesë ndaj Vilma Ruskoskës

    Policia Financiare e Maqedonisë ankohet për veprimet e Prokurorisë për Ndjekjen e Krimit të Organizuar dhe Korrupsionit, të cilat kërkuan dokumentacione në administratë javën e kaluar, pasi kryen një kontroll të detajuar.

    Madje për këtë kontroll, është parashtruar ankesë deri te prokurori publik Joveski.

    Administrata mendon se ka pasur të meta thelbësore në urdhrin e bastisjes, por edhe në mënyrën e veprimit, të cilat kanë dalë jashtë fushës së praktikës ligjore.

    Administrata pretendon se kërkimi i ekipit të kryeprokurores Vilma Ruskoska ishte i pabazë, megjithëse ata thonë se i dhanë akses të papenguar në ambientet e tyre për të zbatuar urdhërin.

    Prokurorja Ruskoska javën e kaluar njoftoi se po veprojnë sipas kallëzimit të një qytetari për të verifikuar nëse ankesa ka bazë dhe për ta vërtetuar atë.

    Lajmi Paraprak

    Ulen çmimet e derivateve në Maqedoni

    Lajme tjera

    Bashkohu

    Informohu në kohë