Politika në Maqedoni shpreh ngushëllime për viktimat nga tërmeti i fuqishëm në Turqi

    Pendarovski i shpreh ngushëllime Erdoganit pas tërmetit tragjik në Turqi

    Presidenti i RMV-së Stevo Pendarovski i shprehu ngushëllime homologut të tij turk presidentit Rexhep Tajip Erdogan dhe familjeve të të vdekurve nga tërmeti i fuqishëm në Turqi.

    “I shpreh ngushëllimet më të thella familjeve të të vdekurve, Presidentit Recep Tayyip Erdogan dhe popullit turk në këto momente të vështira pas tërmetit të tmerrshëm që goditi Turqinë. Të lënduarve iu uroj shërim të shpejtë”, ka shkruar presidenti Pendarovski në profilin e tij zyrtar në Facebook.

    Më shumë se 300 njerëz humbën jetën në Siri dhe Turqi nga një tërmet i fortë pranë qytetit jugor të Turqisë, Gaziantep, herët në mëngjes. Numri i viktimave pritet të rritet.

    Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë për të dalë në rrugë.

    Kovaçevski ngushëllon Erdoganin pas tërmetit tragjik në Turqi

    Kryeministri Dimitar Kovaçevski, përmes rrjeteve sociale ka shprehur ngushëllime deri tek populli dhe autoritetet turke pas tërmetit të fuqishëm prej 7,8 ballëve që goditi këtë vend.

    Kovaçevski u ka uruar shërim të shpejtë të lënduarve.

    “Lajm i tmerrshëm për tërmetin në Turqi që na trishtoi të gjithëve. Personalisht dhe në emër të qytetarëve të Maqedonisë së Veriut, Rexhep Tajip Erdoganit i shpreh ngushëllimet më të thella për jetët e humbura, ndërsa të lënduarve iu uroj shërim të shpejtë”, ka shkruar kryeministri Kovaçevski.

    Edhe presidenti i RMV-së i ka shprehur ngushëllime homologut të tij turk, Rexhep Tajip Erdogan.

    “I shpreh ngushëllimet më të thella familjeve të të vdekurve, Presidentit Rexhep Taip Erdogan dhe popullit turk në këto momente të vështira pas tërmetit të tmerrshëm që goditi Turqinë. Të lënduarve u uroj shërim të shpejtë”, ka shkruar presidenti Pendarovski.

    Bujar Osmani: Mendimet tona janë me Turqinë, do të bëjmë gjithçka në mundësitë tona

    Lajmi Paraprak

    Pse duhet konsumuar më shumë mandarina

    Lajmi i rradhës

    Tërmete të reja godasin Turqinë dhe Sirinë

    Lajme tjera

    Bashkohu

    Informohu në kohë