Ulet piku nga vala e katërt, gjendja epidemiologjike po shënon përmirësim të vogël, deklaroi sot ministri i Shëndetësisë, Bekim Sali.
Ministri Sali dhe zëvendësministri Vlladimir Rendevski i vizituan ekipet shëndetësore të pikës për skrining serologjik në Manastir, ndërkaq realizuan edhe takime me qytetarë.
Siç tha Sali, skriningu serologjik do të mundësojë pasqyrë të qartë për gjendjen e përgjithshme të popullatës, ndërkaq nga ajo do të varet edhe sjellja e rekomandimeve dhe masave të reja.
Sipas planit të Ministrisë së Shëndetësisë janë paraparë rreth 3.000 analiza prej të cilave 1.000 do të jenë në Skup.