Turqia është në një lufte të madhe me zjarret që ka përfshirë pyjet në 56 orët e fundit.
Pas Manavgat, Kayseri, Osmaniye, Mersin, zjarrit shpërtheu dhe në zonat e Kilis, Marmaris, Bodrum, Didim, Milas dhe Antalia .
Arsyeja e zjarreve në pyje të cilat filluan në 20 pika veçanërisht në qendrat turistike mbete një mister, shkruajnë mediat turke.
Shkencëtarët mbështesin krizën e klimës por nuk përjashtojnë as rastin e një sabotimi.
Një nga ata është dhe pedagogu Abdullah Agar i cili është ndalur në mundësinë e një sulmi terrorist për zjarret e njëpasnjeshme.
Profesori turk është shprehur:
”Vrasësit e Zjarrit”, të ashtuquajturit Fëmijët e Zjarrit në të kaluarën, dogjën pyje në pika të ndryshme në Turqi në periudha të ndryshme dhe nënshkruan një sabotim. Ekziston një tension serioz dhe nuk duhet harruar se ne jemi përballur me një organizatë terroriste që përpiqet të përdorë këtë tension. Ekziston nevoja për njohuri dhe vetëdije në kuptimin shoqëror. Qëllimi i tyre është të krijojnë dyshime, pasiguri, frikë në shoqëri. Është e nevojshme të mos lejohen organizatat terroriste të përdorin tensionin në shoqëri në këtë mënyrë. Skizma politike përdoret në zjarret e pyjeve, veçanërisht në mediat sociale. Organizatat terroriste janë përpjekur ta bëjnë këtë në të kaluarën. Ky është një krim kundër njerëzimit. Ajo dëmton jo vetëm Turqinë, por edhe botën, natyrën, të ardhmen, me pak fjalë, njerëzimin’
Hyrja në pyje duhet ndaluar
Fatkeqësisht, faktori më i madh në formimin e zjarreve në pyje janë njerëzit.
Veçanërisht në zonat pyjore, copat e shisheve që hidhen dhe thyhen pa kujdes mund të veprojnë si thjerrëza në temperatura të larta dhe lehtë mund të ndezin sipërfaqen e tharë.
Për këtë arsye, skajet e autostradave që kalojnë nëpër zonat pyjore dhe zonat e piknikut duhet të pastrohen nga këto materiale.
Hyrjet në zonat e piknikut në pyll duhet të ndalohen gjatë periudhave kur rreziku i zjarrit është i lartë.
Duke marrë parasysh që rrit rrezikun e përhapjes së zjarrit dhe formimin e zjarrit në pemët halore, kjo duhet të merret parasysh kur bëhet ripyllëzimi shkruan mediat turke Haberler.
