Qeveri teknike në muajin shkurt, zgjedhjet në maj, LSDM nuk ka legjitimitet për ta udhëhequr vendin, thuhet në deklaratën partiake të opozitës maqedonase VMRO-DPMNE, përcjell Nistori.
“Vendi është në krizë ekonomike, shëndetësore dhe energjetike. LSDM është fajtori kryesor për gjendjen e keqe në të cilën ndodhet vendi dhe ata nuk mund të jenë të zgjedhurit. Duhen ndryshime që vendi të dalë nga kriza. Sepse edhe LSDM-ja edhe BDI-ja kanë deklaruar se duan kryeministër shqiptar dhe nëse përpjekjet e tyre janë realiste dhe jo të shtyra nga motive të tjera. VMRO-DPMNE propozon Afrim Gashin për të udhëhequr qeverinë e cila do t’i organizojë zgjedhjet dhe ai do të ketë mbështetje nga opozita. Menjëherë pas kësaj duhet të formohet qeveria teknike dhe zgjedhjet të caktohen në muajin maj. Nëse LSDM-ja dhe BDI-ja refuzojnë, kjo do të tregojë se gjithçka që ata bëjnë është thjesht folklor i pastër për të vjedhur dhe gënjyer. Për të grabitur të varfërit në Tetovë, Berovë, Gostivar dhe Shtip nën petkun e nacionalizmit.” – thekson opozita.
Është koha që korrupsionit dhe krimit t’i ndërpritet rruga dhe kjo është një nga arsyet më të mëdha pse duhen zgjedhje të parakohshme parlamentare në muajin maj. /Nistori/
