Shaip Kamberi për DW: Vështirë se do të ketë hapa të mëdhenj mes Kososvës e Serbisë – por shqiptarët e Preshevës e mirëpresin një marrëveshje.
Në një intervistë për DW, Shaip Kamberi, deputet shqiptar në Kuvendin e Serbisë, analizon ndikimin e ngjarjeve të fundit në veri të Kosovës te shqiptarët në Luginën e Preshevës me theks të veçantë te takimi ndërmjet presidentit serb, Aleksandar Vuçiq dhe kryeministrit të Kosovës, Albin Kurti në Bruksel.
Kamberi ndan shqetësimin se hapat e mëdhenj do të jenë të vështira në raportet Prishtinë-Beograd. Por, kjo mund të ndryshojë vetëm me presion ndërkombëtar.
Ai thotë se shqiptarët në Luginën e Preshevës e mirëpresin një marrëveshje me Serbinë pasi kjo mund të ndikojë në ndërprerjen e diskriminimit të tyre nga qeveria në Beograd.