Shpejtësia e paqëndrueshme e lidhjes, ndërprerjet/mungesa e disponueshmërisë së shërbimit dhe problemet me pajisjet teknike janë problemet më të shpeshta të përmendura gjatë përdorimit të internetit, sipas anketës së fundit të opinionit publik nga perspektiva e mbrojtjes së përdoruesve të shërbimeve elektronike, të kryer nga Agjencia për Komunikime Elektronike.
Anketa u zhvillua nga 18 maji deri më 5 qershor të këtij viti në një mostër përfaqësuese të rastësishme prej 1.100 të anketuarve nga popullata e moshës 18 vjeç e lart, përdorues të çdo shërbimi të komunikimit elektronik: telefoni fikse, telefoni mobile, internet dhe televizion.
Sipas anketës, te 34,1 për qind të amvisërive, qasja në internet përdoret nga të miturit, me ç’rast 80,7 për qind të rasteve, të miturit e përdorin internetin çdo ditë. Shumica, ose 78,2 për qind, kalojnë mesatarisht deri në pesë orë në ditë të lidhur me internet.
Ndërgjegjësimi për softuerët e kontrollit prindëror që do t’u lejojnë personave nën 18 vjeç të përdorin internetin në mënyrë të sigurt është i pranishëm tek 63,5 për qind e të anketuarve. Një softuer i tillë është instaluar nga 25,9 për qind e amvisërve, ndërsa nga ata të anketuar që nuk e kanë instaluar një softuer të tillë, por e dinë se ekziston, 58,6 për qind do ta instalonin atë. Nga ata të anketuar që kanë një qëndrim pozitiv ndaj instalimit të softuerëve të kontrollit prindëror, 17,3 për qind e dinë se ku mund ta gjejnë një softuer të tillë.
Siç qëndron te gjetjet e anketës, internet në amvisëritë përdorin 94,1 për qind e të anketuarve. Shumica janë përdorues të A1 (39,3 për qind) dhe Telekom i Maqedonisë (37,8 për qind), ndërsa 12,8 për qind janë përdorues të internetit nga Telekabel. Edhe pse jo të gjithë të anketuarit kanë lidhje interneti në shtëpi, 99,9 përqind e përdorin internetin. Nga të anketuarit që kanë qasje në internet në amvisëritë e tyre, 36,6 për qind e dinë se cila është shpejtësia e lidhjes së internetit që duhet të ofrojë operatori, dhe nga këta, 87,8 për qind besojnë se marrin shpejtësinë dhe sasinë e parashikuar të të dhënave nga ofruesi i internetit”, theksohet në rezultatet.
Pak më shumë se një e katërta ose 27,4 për qind e të anketuarve u përballën me një lloj problemi gjatë përdorimit të internetit në amvisëri, përkatësisht vitin 2025, 72 për qind e të anketuarve nuk kishin problem me lidhjen e tyre të internetit në shtëpi.
“Problemet më të zakonshme me internetin janë shpejtësia e lidhjes jokonsistente (19,8 për qind), ndërprerjet/mungesa e disponueshmërisë së shërbimit (16,1 për qind) dhe problemet me pajisjet teknike (7,9 për qind). Për shkak të ndërprerjeve të shërbimit ose mungesës së disponueshmërisë në 12 muajt e fundit, 47,5 për qind e familjeve kontaktuan ofruesin e tyre të internetit dhe te 54,7 për qind problemi u zgjidh po atë ditë, sipas gjetjeve kryesore të anketës.
Përafërsisht një e katërta ose 24,3 për qind e amvisërive me qasje në internet janë ankuar te operatori i tyre me telefon, dhe 40,1 për qind e tyre janë plotësisht të kënaqur. Vetëm një për qind e të anketuarve kanë paraqitur një ankesë me shkrim, qëndron në rezultatet nga ankesa e AKE-s.
