Ish-drejtori i NP “Rrugët Shtetërore”, Ejup Rustemi, në Daily Click në TV21, foli për akuzat që i janë për nga pozita. Rustemi thotë se akuzat janë të pavërteta dhe spekulime dhe nuk bëhet fjalë që ai të ketë vendosur tabelat vetëm në gjuhën maqedonase, përcjell Nistori.
“I kam dëgjuar shumë deklarata të ndryshme që janë marrë komplet me projekte shumë të rëndësishme të cilat kanë qenë projekte historike në Maqedoninë e Veriut. Më vjen mirë që sot do të mundem t’i arsyetoj detajisht të gjitha ato deklarata të pavërteta, spekulime. Une i kuptoj edhe deklarimet politike, por ajo që kam dëgjuar nga shumë politikanë dhe udhëheqës të institucioneve shtetërore, kanë qenë deklarata paushalle dhe nuk kanë qenë politike dhe shpifje që janë bërë për punën që kam bërë si drejtor i NP “Rrugët shtetërore”. Nuk bëhet fjalë që unë kam porositur vendosjen e tabelave në gjuhën maqedonase pasi në RMV ka ligj për përdorimin e gjuhës shqipe dhe nuk mund të ketë urdhëresë për mosrespektimin e ndonjë ligji”, tha Ejup Rustemi.
“Nëse nuk munden, të tregojnë” – Rustemi: pushteti duhet ta respektojë ligjin për gjuhen shqipe
Rustemi tha se pushteti aktual duhet ta respektojë ligjin për gjuhën shqipe dhe shtoi se, nëse nuk munden, duhet të tregojnë.
“Këta që janë tash në pushtet, këta që kanë institucione dhe menaxhimin institucioneve duhet ta respektojnë ligjin për gjuhen shqipe dhe kanë edhe inspektoriatin për respektiminne gjuhës shqipe. Nëse nuk munden, të tregojnë. Ka një proverbë popullore që thotë “Katundi që duket nuk don kallauz””, tha Rustemi.
Zëvendëskryeministri i parë Izet Mexhiti pati kritika për rrugën Shkup-Bllacë që sipas tij, duhej të ndërtohej në pjesën e lumit Lepenc ndërsa për tunelet, tha se rrit koston por edhe ngadalëson punimet, e për këtë, Rustemi tha se duhet respektuar vendimet e ekspertëve dhe profesionistëve, nuk është drejtori ai që vendosë. /Nistori/
