Drejtori i Elem Turs, Adem Avziu në “Magazina Ekonomike, foli për përgatitjet rreth sezonit të ri turistik në Kodrën e Diellit. Sipas tij janë bërë të gjitha përgatitjet e nevojshme dhe priten vetëm reshjet shtesë të dëborës. Avziu shpreson në një sezon të suksesshëm turistik.
“Jemi në prag të fillimit të sezonit turistik 2022-2023, për këtë sezon turistik janë bërë të gjitha përgatitjet e nevojshme për fillim të mbarë të këtij sezoni, shpresoj të kemi një sezon të suksesshëm, ashtu siç i kaluam edhe dy sezonet e mëparshme. Janë bërë të gjitha përgatitjet e nevojshme, janë bërë të gjitha testimet dhe inspektimet e ski-ashensorëve, ski lifteve dhe veçmë po presim reshje shtesë të borës, për të filluar me sezonin turistik”, u shpreh Avziu.
Çfarë u ofron turistëve Kodra e Diellit?
Avziu, tha se është planifikuar ndërtimi i disa parkingjeve në Kodrën e Diellit, për ta eliminuar edhe këtë problem me të cilin përballet kjo qendër turistike. Avziu madje paralajmëroi edhe ndërtimin e dy hoteleve të reja me katër yje.
“Në qendrën Turistike Kodra e Diellit, turistët, skiatorët, do i kenë në dispozicion të gjithë ski ashensorët në gjendje perfektë, do funksionojnë pa asnjë përjashtimi. Pasi siç ceka dhe më herët i kemi bërë të gjitha inspektimet e nevojshme për këtë sezone turistik. Do e kenë në dispozicion Hotel Sllavian i cili është në pronë të shtetit dhe me të njëjtin menaxhojmë ne. Gjithashtu jemi në koordinim dhe bashkëpunim edhe me operatorët ekonomik privat të cilët operojnë në Qendrën Turistike, “Kodra e Diellit”. Edhe ata veçmë janë të përgatitur me kapacitet të plotë dhe presim në çdo momente të kemi reshje të mjaftueshme të borës, për të bë edhe hapjen e sezonit turistik, zyrtarisht për këtë sezon turistik”, deklaroi Avziu, drejtor i Elem Turs. /Nistori/