Shkolla fillore më e madhe në Strugë, “Vëllezërit Miladinov”, funksionon pa pedagog shqiptar, me 1160 nxënës, shumica e të cilëve mësimin e ndjekin në gjuhën shqipe. E njëjta situatë është edhe në shkollën e fshatit Labunistë, ku vitet e fundit numri i nxënësve që vijojnë mësimin në gjuhën shqipe është në rritje.
Ndërkohë nxënësit shqiptarë komunikojnë me pedagogun maqedonas.
Dukuritë e tilla nuk nënkuptojnë përmirësimin e të drejtave të njeriut dhe të atyre gjuhësore, thotë profesori universitar Agim Poshka.
Probleme të ngjashme ka edhe në shkollat e tjera në Strugë. Diku ka psikolog shqiptar, por nuk ka pedagog dhe anasjelltas. Alsat pyeti në komunën e Strugës se çfarë po bëjnë për të zgjidhur problemin me mungesën e kuadrove të tilla, por nuk morëm përgjigje.
