Bajram Latifovskin, qytetar të Shuto Orizarit, e takuam duke kërkuar ndihmë në stendën e informimit për mbështetje juridike falas për qytetarët.
Sipas Latifovskit por edhe banorëve të tjerë të Shuto Orizarit, qytetarët janë endur nga një sport në tjetrin, nëpër institucione për shkak se nuk janë të informuar për të drejtat e tyre ligjore falas.
”Shumë qytetarë nuk janë të informuar se kush duhet të na ndihmojnë për drejtësi. Nga padituria njerëzit vuajnë dhe shëtitën nga një institucion në tjetër dhe nuk arrijnë të marrin informata të sakta dhe po ashtu nuk janë të edukuar mjaftueshëm se ku duhet të drejtohen që të realizohet e drejta e tyre. Informatat zakonisht i kërkonim nga shoqëria apo familjarë por është e vështirë që të vish në institucionin që duhet”, u shpreh një qytetar.
“Shumica këtu nuk dinë ku të drejtohen dhe informohen. Shumica kanë nevoja, disa janë invalidë, dhe tjerë kanë nevoja për operim dhe do drejtohen në qendër që të informohen”, tha një tjetër qytetar.
Sipas udhëheqëses së projektit për të drejtat juridike falas, deri tani rreth gjashtë mijë qytetarë kanë marrë ndihmë juridike ndërsa mbi 200 persona janë përfaqësuar falas nga avokatët.
“Projekti i ndihmon Ministrisë së Drejtësisë që ky sistem të funksionoje në praktikë dhe sipas raportit të Ministrisë së Drejtësisë në vitet e fundit ka rreth gjashtë mijë qytetarë që kanë pranuar ndihmë primare ligjore dhe rreth 230 qytetarë të cilët kanë pranuar ndihme ligjore sekondarë apo përfaqësim të avokatit në procedura. Përndryshe projekti i ndihmon edhe të punësuarit dhe punëdhënësit, avokatët, të punësuarit në OJQ, që t’i forcojnë kapacitetet e tyre që ndihma ligjore falas të jetë më efikase”, deklaroi Irena Cuculoska – Udhëheqëse e projektit për të drejtat ligjore falas.
Projektit për mbështetje për qasje më të mirë në shërbime dhe më cilësore të ndihmës juridike falas në Maqedoninë e Veriut është pjesë e programit “Instrumenti Horizontal për Ballkanin Perëndimor dhe Turqinë, projekt i përbashkët i Bashkimit Evropian dhe Këshillit të Evropës i cili filloi nga viti 2023 dhe implementimet në të gjithë territorin e vendit për të informuar qytetarët me të drejtat e tyre ligjore. /Alsat/
