Pas vendosjes së tarifës prej 33 për qind për importet nga Maqedonia e Veriut nga ana e presidentit të SHBA-së Donal Trump, autoritetet e vendit ende pa asnjë qëndrim. Ndryshe prej tyre, liderët evropian patën një lumë reagimesh, duke kritikuar ashpër vendimin e Donald Tramp.
Ursula von der Leyen, shefja e Komisionit Europian, ka deklaruar se “pasojat do të jenë të tmerrshme për miliona njerëz, duke theksuar se Evropa po përgatit paketën e saj të parë të përgjigjes ndaj tarifave të SHBA-së.
Edhe Kina ka premtuar kundërmasa ndaj tarifave të Trump.
Mark Carney, Kryeministri i Kanadasë, ka theksuar se është thelbësore të veprohet me qëllim dhe forcë për të kundërshtuar këtë politikë dhe për të mbrojtur ekonominë.
Giorgia Meloni, Kryeministrja e Italisë, i ka quajtur tarifat e SHBA-së “të gabuara” duke paralajmëruar një luftë tregtare.
Anthony Albanese, Kryeministri i Australisë, ka thënë se “ky nuk është akt i një miku”, duke theksuar pasojat e dëmshme të tarifave për partnerët e SHBA-së.
Micheál Martin, Kryeministri i Irlandës, ka shprehur se nuk sheh “asnjë justifikim” për tarifat dhe ka kërkuar një qasje më të balancuar në marrëdhëniet tregtare.
Nuk mungoi as qëndrimi zyrtar i Zvicrës. Ata thonë se së shpejti do ti përcaktojnë hapat që do të ndërmarrin për të reaguar ndaj tarifave. /Alsat/
