Sindikalistët protestuan sot para Ministrisë së Financave. Ata vendosën në mënyrë simbolike një karrige dhe ftuan ministrin Fatmir Besimi që të zbresë nga zyra e të bisedojë për gjendjen e rëndë të punëtorëve. LSM insiston që derisa po vazhdon debati për rishikimin e buxhetit propozimi i tyre të pranohet si amendament, në mënyrë që nga muaji i ardhshëm të punësuarit në sektorin publik të kenë rritje të pagës për 2806 denarë shtesë. Po ashtu sindikata kërkon pagesën e K-15 për punëtorët në institucionet dhe kompanitë shtetërore dhe publike. Nëse politikanët mbeten të shurdhër ndaj kërkesave të LSM-së, nuk përjashtohet mundësia e radikalizimit të protestave. Ndërkohë, sektori publik funksionon me 10 për qind të burimeve të tij ndërsa greva e përgjithshme vazhdon.
“Ne si punëtorë realisht nuk mund të durojmë. Nëse energjia elektrike rritet nga 1 korriku, është realisht e nevojshme që pagat të rriten nga e njëjta ditë, në përputhje me inflacionin dhe të gjitha goditjet e çmimeve që i përjetojmë nëpër dyqane”, deklaroi Darko Dimovski – kryetar i LSM-së. /Alsat/