Zëdhënësi i Bashkimit Evropian, Peter Stano, është paraqitur para gazetarëve për të raportuar për takimin në mes kryeministrit të Kosovës Albin Kurti dhe presidentit serb Aleksandar Vuçiq, që po mbahet në Ohër.
Ai nuk ka dhënë detaje të takimit trepalësh, ndërsa tha se nuk e di sa do të zgjasë takimi dhe se në fund do të ketë paraqitje të përfaqësuesit të Politikës së Jashtme të BE-së, Josep Borell.
Stano gjithashtu tha se në fund të takimit do të ketë kumtesë të përbashkët dhe nuk do të pranohen pyetje.
“Nuk do të them asgjë për përmbajtjen. I përmbahemi rregullave dhe nuk do të flasim për atë që është diskutuar… do të ketë deklaratë pas takimit. Do të ketë paraqitje të Borell dhe do të jetë vetëm në gjuhën angleze”, tha Stano./Nistori/