Takohen Kovaçevski-Marin | Anëtarësimi i Finlandës në NATO, rajoni euroatlantik është më i sigurtë

    Kryeministri i Republikës së Maqedonisë së Veriut, Dimitar Kovaçevski dhe kryeministrja e Republikës së Finlandës, Sana Marin, e cila ndodhet për vizitë pune në vendin tonë, kanë zhvilluar takim në të cilin kanë biseduar për çështje me interes për të dy vendet.

    Në fokus të takimit Kovaçevski-Marin ishte mbështetja që merr Republika e Finlandës në procesin e anëtarësimit të këtij vendi në NATO, si dhe avokimi i fuqishëm i Finlandës për zgjerimin e BE-së me fillimin e negociatave të Maqedonisë së Veriut për anëtarësim në BE.

    Kryeministri Kovaçevski theksoi se anëtarësimi i Finlandës në NATO do të rrisë ndjeshëm sigurinë në rajonin euroatlantik, veçanërisht në rajonin e Veriut të Lartë dhe në rajonin Baltik.

    Kryeministri Kovaçevski dhe Marin u pajtuan se me rëndësi urgjente për Evropën është fillimi i negociatave të Maqedonisë së Veirut me BE-në, pa kushte shtesë.

    Dy kryeministrat në takim shprehën gatishmërinë për të mbështetur të gjitha potencialet për avancimin e bashkëpunimit ekonomik dhe bashkëpunimit në fushën e arsimit dhe dixhitalizimit.

    Lajmi Paraprak

    ANALIZA: Si rrezikon të humbasë, dhe si mund ta fitojë ShBA-ja Luftën e Re të Ftohtë

    Lajmi i rradhës

    Kriptomonedhat, zhvillim apo manipulim e mashtrim?

    Lajme tjera

    Bashkohu

    Informohu në kohë