Tetova nga sot bëhet pjesë e qyteteve me shërbimin e trotinetëve elektrikë nga kompania TROTI.mk, në bashkëpunim me AR-Holding. Kryetari i komunës, Bilall Kasami, njoftoi se ky projekt shënon fillimin e një epoke të re të lëvizjes urbane, që synon të jetë më e qetë, më ekologjike dhe më moderne, përcjell Nistori.
Trotinetët mund të huazohen përmes një aplikacioni mobil dhe kushtojnë 6 denarë për minutë. Përdoruesit duhet të jenë mbi 13 vjeç, ndërsa helmeta dhe jeleku reflektues janë të detyrueshme në raste të caktuara. Shpejtësia maksimale është e kufizuar në 25 km/h.
Rregullat ndalojnë qartë vozitjen nga më shumë se një person, heqjen e duarve nga timoni dhe transportin e sendeve gjatë përdorimit. /Nistori/
