Me nënshkrimin e Marrëveshjes së Prespës tre vjet më parë, shumë gjëra kanë ndryshuar për mirë tha udhëheqësi i SYRIZA, Alexis Tsipras tha në një intervistë për AIM.
“Në periudhën 2014-2017, BE njoftoi një ngrirje të procesit të pranimit, ndikimi i saj u ul në mënyrë drastike në favor të fuqive të tjera me planet e veta, dhe Ballkani Perëndimor po zhytej nga një krizë në tjetrën. Me Marrëveshjen e Prespës e detyruam BE-në të ngrinte procesin e zgjerimit, për të forcuar rolin e saj në rajon dhe për të dhënë dritë të gjelbër, jo vetëm për Maqedoninë e Veriut, por edhe për Shqipërinë”, tha Tsipras.
Kreu i SYRIZA thotë se nëse kjo zgjidhje nuk do të kishte ekzistuar, zhvillimi i ngjarjeve do të kishte qenë negativ për të tjerët, siç janë bisedimet Beograd-Prishtinë.
“Së pari, ne kemi krijuar marrëdhënie strategjike bashkëpunimi dhe miqësie. Një marrëdhënie që i mundëson Greqisë të mbështesë në mënyrë aktive kursin evropian të Maqedonisë së Veriut, të zhvillojë në mënyrë drastike bashkëpunimin rajonal ekonomik dhe energjetik dhe të monitorojë hapësirën ajrore si një aleat. Ne kemi provuar se Greqia është me të vërtetë një shtyllë e paqes, stabilitetit dhe sigurisë në rajon. Kemi treguar që forcat progresive mund të ndryshojnë vërtet botën dhe është e mundur të gjesh marrëveshje të pranueshme nga të dy palët, nëse ka respekt. Respekt dhe respektim i të drejtës ndërkombëtare. Nuk ishte e lehtë për mua dhe Zoran, as për Nikos Kotsias dhe Nikolla Dimitrov”, tha Tsipras. /Telegrafi/
