Federata Kombëtare e Atletikës Kolegjiale (NCAA), e cila është organi qeverisës për sportet kolegjiale në Shtetet e Bashkuara, i ndaloi gratë transgjinore të konkurrojnë në sportet e grave, një ditë pas urdhrit ekzekutiv të Donald Trump.
Presidenti amerikan Donald Trump nënshkroi të mërkurën një urdhër ekzekutiv që ndalon gratë transgjinore të konkurrojnë në sportet e grave.
NCAA ka ndryshuar politikën e saj të pjesëmarrjes transgjinore për të lejuar vetëm studentë-atletët që kanë lindur femra të marrin pjesë në sportet e grave.
BREAKING: NCAA officially bans trans athletes from women's sports 1 day after Trump signs executive order https://t.co/qk336HUpSu
— Fox News (@FoxNews) February 6, 2025
Atletet që i nënshtrohen terapisë hormonale, si testosteroni, gjithashtu nuk lejohen të konkurrojnë në sportet e grave.
U shtua gjithashtu se burrat transgjinorë do të kishin të drejtë të konkurrojnë në sportet e meshkujve për sa kohë që ata plotësojnë të gjitha kërkesat e tjera të pranueshmërisë.
Kujtojmë se NCAA më parë ka lejuar gratë transgjinore të konkurrojnë për sa kohë që plotësojnë kufijtë e testosteronit në varësi të sportit.
Organizatat e të drejtave LGBTQ e kanë dënuar urdhrin ekzekutiv të Trump si jokushtetues dhe të bazuar në keqinterpretime dhe shtrembërime për personat transgjinorë.
