Ka ndërruar jetë në moshën 71 vjeçare, gazetari dhe publicisti Skënder Raufi. Ai ishte një ndër doajenët e programit në gjuhën shqipe pranë televizionit publik të Maqedonisë së Veriut, ku punoi që nga viti 1972 deri në pensionim.
Skënder Raufi është diplomuar në Fakultetin Juridik të Shkupit. Në TVM2 ka punuar në të gjitha zhanret e gazetarisë televizive ku ka mbajtur për një kohë edhe postin e kryeredaktorit.
Raufi, po ashtu, është autori edhe i disa veprave publicistike si : “Takim me krijuesin “ në dy vëllime , “Vjelja e lulediellit ” me tre vëllime. Ishte edhe laureat i çmimit më të lartë për publicistikë në RMV, “Mito Haxhivasilev-Jasmin”.
