Teksa 234 maturantë kanë arritur të marrin notën 10 absolute në matematike, në gjuhën shqipe vetëm 4 maturantë rezultuan ekselentë.
“Jam trishtuar shumë, 4 dhjeta në 32 mijë maturantë e dhimbshme. Brezi i sotëm nuk lexon libra më si dikur. Mëson përmes telefonit! nota duhet të ketë vlerë. 10-a për stoli nuk dua.”- tha Violeta Hoxha (mësuese në pension)
Kalueshmëria rreth 95% në të 4 provimet e maturës për arsimtarët është shqetësuese mbi cilësinë e nxënësve që në të ardhmen do të jenë student.
“Në duke i çuar të gjithë në universitet, po i bëjmë një dëm shumë të madh arsimit profesional. Ne çdo ditë jemi dëshmitarë të mungesës së punëtorëve në profesione të ndryshme.”- tha Mirela Berisha, drejtoreshë gjimnazi privat
Qarku i Kukësit renditet I pari në listën me rezultatet më të mira, pas tij qarku i Durrësit e dy tre vende më poshtë qëndron Tirana.
Por notat mesatare më të larta në veri të Shqipërisë, teksa shumica e të rinjve kërkojnë të shkollohen në kryeqytet, sipas mësuesve, vënë në dyshim vërtetësinë e rezultateve të maturës shtetërore dhe sjell si rrjedhojë regjistrimin e nxënësve të dobët në universitet pa meritë.
Teksa vetë qendra e shërbimeve vë në dukje fenomenin e diferencës me 2-3 nota mes mesatares përgjatë 3 viteve gjimnaz dhe mesatares së provimeve.
Për profesionistët e arsimit e rëndësishme është që nxënësit të edukohen për vlerën e dijes dhe jo notës. /tch/
