Delegacioni i opozitares VMRO-DPMNE anuloi dje kremtimin e Ilindenit në Meçkin Kamen, duke mos e ndjekur fjalimin e kryeministrit Dimitar Kovaçevski.
Siç tha nënkryetari i partisë, Aleksandar Nikolloski, kjo është për shkak të veprimeve partiake dhe politike të LSDM-së në pushtet.
“Për shkak të sjelljes së këtillë partiake dhe politike, ne vendosëm të largohemi nga “Meçkin Kamen” dhe nuk marrim pjesë në fjalimin e kryetarit të Qeverisë, sepse është evidente se ky është një manifestim partiak i LSDM-së. Nuk e kemi ndërmend të marrim pjesë në mitingje të LSDM-së, ju faleminderit”, tha Aleksandar Nikolloski nga VMRO-DPMNE.
Ndryshe, dje me rastin e festës së Ilindenit shumë politikanë vendas maqedonas dhe shqiptarë krematuan se bashku dhe shpërndanë mesazhe për një Maqedoni më të mirë, të orientuar drejt Bashkimit Evropian.
