Kryeparlamentari Talat Xhaferi kërkoi që dyert e Kuvendit të mbyllen nga salla në mënyrë që shërbimet të numërojnë deputetët, ndërsa deputetët e VMRO-DPMNE-së reaguan ashpër dhe theksuan se kjo është bërë që deputetët e tjerë të mos hyjnë në sallë.
Pasi mbyllën dyert, deputetët pyetën se mbi çfarë baze po i mbyll dyert e Kuvendit dhe ai u përgjigj: “Rregullorja e Punës”.
VMRO-DPMNE-ja do të dorëzojë interpelancë për kreun e Kuvendit Talat Xhaferi, pasi mbrëmë i mbylli në sallë deputetët.
“VMRO-DPMNE-ja do të dorëzojë interpelancë për kreun e Kuvendit Talat Xhaferi. Pas ngjarjes së mbrëmshme ku deputetët u mbyllën në sallë, është e qartë se Kuvendi nuk është më institucion demokratik. Xhaferi me metodat e veta diktatoriale dhe joparimore nuk mundet asnjë ditë më shumë ta drejtojë Kuvendin.
Duam të shtojmë se kjo ndodh me dijeninë dhe aminin e LSDM-së e cila bashkë me Xhaferin duhet të ikë në opozitë. Rendi dhe funksionimi i Rregullores duhet të kthehet në Kuvend”, tha koordinatori i grupit parlamentar të VMRO-së, Nikolla Micevski. /Alsat/