VMRO-DPMNE: Shumicën në Këshillin e Qytetit të Shkupit e formojnë E Majta dhe ASH-AAA

Formohet shumica në Këshillin e Qytetit të Shkupit. VMRO-DPMNE-ja përmes një komunikate ka njoftuar se ka arritur marrëveshje për shumicë në Kuvendin e Qytetit të Shkupit bashkë me Aleancën për Shqiptarët-Alternativën dhe partinë E Majta.

Shumica e re qytetare do të funksionin mbi parimin e bashkëpunimit konkret dhe projekteve konkrete programore të cilat janë me interes publik të popullit, posaçërisht në të mirë të banorëve lokal”, thonë nga VMRO-DPMNE.

Koalicionin për shumicën në Qytetin e Shkupit e konfirmuan edhe partia E Majta dhe koalicioni Aleanca dhe Alternativa. Nga VMRO-DPMNE-ja thonë shkurt se akoma është herët për ndarjen e pozicioneve dhe se për veprime konkrete do të pritet përfundimi raundit të dytë zgjedhor. Në zgjedhjet e 17 tetorit Këshilli u nda në këtë mënyrë: VMRO DPMNE-ja siguroi 18 këshilltarë, LSDM 12, BDI 5, E Majta 4, ASH-AAA 2, Koalicioni “Të vendosur për ndryshime” 2 dhe dy të tjerë lista e pavarur e kryesuar nga Dragana Vellkova./Alsat/