Raportuesja për Kosovën në Parlamentin Europian, Viola von Cramon tha se sundimi i ligjit i referohet trajtimit të barabartë të të gjithëve para tij, qoftë në Loznicë, Mitrovicën e Veriut apo Gjermani, duke reaguar ndaj deklaratave të kryeministres serbe, Ana Bërnabiq, të cilat i quajti sulme.
Brnabiq më herët ka shkruar në Twitter se sundimi i ligjit është një gjë për Von Cramon kur bëhet fjalë për Prishtinën, dhe diçka tjetër në rastin e Beogradit, duke e pyetur Von Cramon nëse ajo thotë se “serbët në Kosovë nuk kanë të njëjtat të drejta si qytetarët tjerë”. Ajo e ka quajtur hipokrite eurodeputeten.
The #RuleOfLaw is about equal treatment for all before the law, be it in Loznica, North Mitrovica or Germany.
— Viola von Cramon (@ViolavonCramon) November 30, 2021
I will always defend the civic and human rights irrespective of someone's nationality.
Next time instead of attacking me maybe try to talk to your people in #Nedeljice. https://t.co/2xt2nspxDs
Von Cramon deklaroi në të njëjtin rrjet social se ajo gjithmonë do t’i mbrojë të drejtat civile dhe të njeriut, pavarësisht nga kombësia e dikujt.
“Sundimi i ligjit ka të bëjë me trajtimin e barabartë për të gjithë para ligjit, qoftë në Loznicë, Mitrovicë Veriore apo Gjermani. Unë gjithmonë do t’i mbroj të drejtat civile dhe të njeriut pavarësisht nga kombësia e dikujt. Herën tjetër, në vend që të më sulmoni, mund të përpiqeni të flisni me njerëzit tuaj në Nedeljice”, shkroi Von Cramon në Twitter.
Von Cramon ditë më parë e ka vizituar Loznicën dhe fshatin Nedeljice në Serbi, ku po mblidhen nënshkrimet për tërheqjen e Planit Hapësinor që parasheh ndërtimin e minierës së kompanisë “Rio Tinto”.
