Zaev: Nëse ka rritje të çmimeve, qeveria ka rezervat shtetërore

    Kryeministri Zoran Zaev sot deklaroi se shteti financiarisht është në gjendje të qëndrueshme dhe se autoritete janë të gatshme të intervenojnë në rast se vazhdon rritja e inflacionit në vend. Zaev deklaroi se në rast se paraqitet nevoja, ekzekutivi do të aktivizojë edhe rezervat shtetërore.

    “Ashtu siç njoftuan edhe disa ministra, Qeveria gjithashtu me rezervat shtetërore gjithmonë është e gatshme që të intervenojë, nëse shohim se ndonjë cikël tregon pikun, që do të kishte ndikim në ekonominë në përgjithësi, sidomos në produktet bazë. Këtu flas për, vajin, miellin, qumështin, vezët dhe gjithçka që bën pjesë në shportën familjare”, deklaroi Zaev.

    Ndryshe, Banka Popullore dje njoftoi se do ta rishikojë normën e inflacionit dhe do ta rrisë atë nga 2.2 për qind e parashikuar deri më tani. Megjithatë, Banka Popullore thotë se rritja e çmimeve do të jetë e mesatare dhe nuk do të ketë ndikim të madh në çmimet përfundimtare tek konsumatorët./Alsat/

    Lajmi Paraprak

    750 milionë euro për shtatë muaj nga diaspora, ndihmesë e madhe për ekonominë në Kosovë

    Lajmi i rradhës

    Hulumtim: Në SHBA afro 140 mijë fëmijë kanë mbetur pa prindër apo kujdestarët për shkak të Covid-19

    Lajme tjera

    Bashkohu

    Informohu në kohë