Janë zgjedhur anëtarët e organeve drejtuese të Aleancës për Shqiptarët në Kuvendin e sotëm qendror të mbajtur në Kumanovë, por vendim për hyrje në Qeveri ende nuk është sjellur, informoi kryetari i ASh-së, Arben Taravari. Anëtarët e partisë më pas kanë shfrytëzuar pauzë dhe do të vazhdojnë me shqyrtimin e rendit të ditës në orët e pasdites, përcjell Nistori.
“Kuvendi qendror e autorizoi kryesinë Qendrore që të formojë ekip, i cili në 5-6 ditët e ardhshme, maksimumi dy javë të zhvillojë bisedimet për përfshirjen eventuale të Aleancës për Shqiptarët në qeveri apo nëse këto bisedime zgjasin më shumë, të marrë vendim për ndërprerjen evnetuale të këtyre bisedimeve”, tha Taravari.
Taravari theksoi se në kuvend ka pasur qëndrime pro dhe kundër përfshirjes së kësaj partie në qeveri.
“Kishte diskutime të frytshme, kishte nga ata që mendonin se është mirë të bëhet, se mund të ketë një qeverisje ndryshe dhe të shfaqen kapacitetet qeverisëse të ASH-së, por kishte edhe nga ata që ishin kundër dhe duan të vazhdojmë opozitarizmin. Kështu që na autorizuan si kryesi qendrore që të marrim vendimin përfundimtar. Komisioni do të zgjidhet nga kryesia qendrore në ditët e ardhshme të javës që vjen. Ai komision zyrtarisht do t’i filojë negociatat. Nuk kishim diskutime aspak për zgjedhje kadrovike, më shumë për zgjedhje programore. Fokusi jonë do të jenë antikorrupsioni dhe shteti i së drejtës”, deklaroi Arben Taravari.
Nga kjo parti nuk qartësojnë nëse do të ketë referendum partiak, siç paralajmëroi më herët kryetari i ASh-së, Arben Taravari.
Me propozim të Kryetarit, Arben Taravari dhe në konsultim me degët, Kuvendi miratoi 29 anëtarë të Kryesisë së partisë:
- Krenar Lloga
- Isen Shabani
- Bujare Abazi
- Ilire Dauti
- Elmi Aziri
- Bedri Ajdari
- Bekim Pocesta
- Suzana Paçuku
- Abdulla Saliu
- Elfete Ismaili
- Ferdi Shabani
- Rijad Shaqiri
- Syrija Rashiti
- Premtime Zylalli
- Naime Islami
- Halil Snopçe
- Besim Memedi
- Afërdita Hamza Mislimi
- Adnan Neziri
- Vjollcë Berisha
- Agron Rustemi
- Mislim Zendeli
- Albon Xhemaili
- Sadik Sulejmani
- Artina Qazimi
- Argjend Gurra
- Nazim Taipi
- Halit Ferati
- Nexhmedin Sadiku
Ziadin Sela, kryetar i Kuvendit të ASh-së
Ziadin Sela është zgjedhur Kryetar i Kuvendit të ASh-së në Kuvendin partiak që po zhvillohet në këto momente.
Ish kreu i ASh-së, është propozuar nga vetë kryetari aktual për këtë pozitë.
Gjithashtu siç mëson Klan maqedoni, janë propozuar edhe pozitat tjera dhe pritet të votohen në çdo moment. mes tyre, Krenar Lloga si Sekretar i Përgjithshëm e Isen Shabani si Sekretar Organizati.
Kryesia do të plotësohet në mbledhjen e radhës së Kuvendit më anëtarë shtesë.
I pyetur nga gazetarët se nëse dikush nga faktorët ndërkombëtarë i ka sugjeruar për të hyrë në qeveri, kreu i ASH-së Arben Taravari ishte decid. Ai mohoti këto zëra e madje u shpreh se askush, qoftë edhe faktor ndërkombëtar, nuk mund të përzihen në punët e brendshme të partisë që ai drejton.
“Absolutisht jo. S’ka të drejtë askush, as Kosova, as Shqipëria, as faktori ndërkombëtar të përzihet në veprimet e ASH-së, por na kanë treguar gjërat të cilat i përkrahin. Për shembull se duhet me çdo kusht ta ndihmojmë procesin e votimit të ndryshimeve kushtetuese”, u shpreh Taravari.