FRIKË NGA ZEMËRIMI

    Rrëfenjë arabe
    Përktheu: Bajram Karabolli

    Shumë kohë më parë, midis myslimanëve, na ishte një luftëtar i madh, i cili quhej Ali Ibn Abu Talib. Në një betejë të ashpër, ky kap rob një prej armiqve të tij më të rrezikshëm, i cili i kishte kapur dhe i kishte vrarë shumë luftëtarë. Dhe, ja ku e kishte përpara, të lidhur, ndërkohë shpirtrat e luftëtarëve të tij e thërrisnin që t’u merrte hakën. Atëherë, Ali Abu Talibi nxjerr shpatën e tij me dy presa dhe bëhet gati për t’i dhënë armikut goditjen vdekjeprurëse. Por, në atë çast, armiku, i cili po e shikonte gjithë urrejtje, e pështyn në fytyrë.

    Për habinë e të gjithëve, Ali Ibn Abu Talib e ul shpatën, pa e goditur, dhe prapset. Pastaj, e fut shpatën në mill, i kthen shpinën armikut dhe, duke u larguar, jep urdhër ta lëshonin.

    Më vonë, kur e pyetën për veprimin e tij të çuditshëm, ai përgjigjet:

    – Kur ai më sulmoi, unë u mbrojta dhe e çarmatosa. Atëherë, edhe mund ta vrisja. Po kur më pështyu në fytyrë, krenaria ime u ofendua, kështu që unë do ta kisha vrarë atë vetëm nga zemërimi. Pikërisht, në atë çast, ndjeva frikë nga Allahu. Allahu do të më ndëshkonte, sepse po e vrisja nga zemërimi. Prandaj, e mblodha veten dhe, duke e mallkuar zemërimin tim, u largova, para se të bija në një mëkat të madh.

    P.S.: “Frikë nga zemërimi” është një parabolë, një fiksion i shkurtër dhe koherent. Është një aksion i thjeshtë. Në të nuk ka detaje përrallore dhe as rrethana që provokojnë zbavitje.

    Lajmi Paraprak

    Zlatan Ibrahimovic ‘e dinte’ që aktori shqiptar, Granit Rushiti do të triumfonte me rolin “I am Zlatan”

    Lajme tjera

    Pleshti dhe Jorgani

    EDMOND TUPE Kur ia prezantuan Théophile Gautier-it, këtij shkrimtari të famshëm francez të shekullit XIX, Charles Baudelaire-in si…
    Më tepër

    Bashkohu

    Informohu në kohë