Çfarë e shkakton rënien e flokëve?

    Çdo gjë nga predispozicioni gjenetik deri te faktorët e jashtëm si stresi, çekuilibri hormonal dhe mungesa e vitaminave mund të shkaktojë rënien e flokëve.

    Vitaminat në veçanti janë thelbësore për të ruajtur shëndetin e përgjithshëm të trupit tuaj, shëndeti i flokëve nuk bën përjashtim. Vitamina D është veçanërisht e rëndësishme për ciklet e rritjes së shëndetshme të flokëve pasi çdo gjëndër e flokëve përmban një receptor të vitaminës D.

    Mungesa e vitaminës D është një nga mungesat dhe arsyet më të zakonshme të rënies së flokëve te burrat dhe gratë, veçanërisht gjatë dimrit kur ekspozohemi më pak në diell.

    Por ekspertët na sigurojnë se një dietë dhe jetese e mirë mund të ndihmojë në problemet e humbjes së flokëve të shkaktuara nga mungesa e vitaminës D .

    Çfarë e shkakton rënien e flokëve?

    Besohet se vetëm 30 minuta rreze dielli në mesditë në ditë ose 10 mikrogramë vitaminë D ndihmon në ndërtimin e imunitetit, forcimin e kockave tona dhe mbajtjen e flokëve të shëndetshëm. Midis tetorit dhe marsit, ne nuk marrim mjaftueshëm vitaminë D nga rrezet e diellit, sepse drita nuk përmban mjaftueshëm rreze UVB.

    Kjo jo vetëm që dobëson sistemin imunitar, por gjithashtu i bën flokët të duken dhe të ndihen të dobëta, duke çuar në humbje më të madhe të flokëve. Kur ka më pak diell, njerëzit duhet të mbështeten në marrjen e dozës ditore të vitaminës D nga ushqimi apo edhe suplementet.

    Karl Kristian- themeluesi i markës skandinave të shëndetit dhe mirëqenies New Nordic, shpjegoi: “Vitamina D është kaq e rëndësishme pasi metabolizohet në lëkurë nga keratinocitet. Këto janë qeliza të lëkurës që përpunojnë keratinën, një proteinë në flokë, thonj dhe lëkurë. Kur trupi nuk ka mjaftueshëm vitaminë D, keratinocitet në folikulat e flokëve kanë probleme me rregullimin e rritjes dhe rënies së flokëve”. /Telegrafi/

    Lajmi Paraprak

    Liria pa kufi është e kundërta e lirisë

    Lajmi i rradhës

    Mungojnë vendet për parkim, Tetova në kaos komunikacioni

    Lajme tjera

    Bashkohu

    Informohu në kohë