Është e njohur se obeziteti mund të ndihmojë në shfaqjen e diabetit në shumë raste. Mendohet se përbën afërsisht 80 për qind të rrezikut të prekjes nga diabeti i tipit 2.
Për fat të mirë, kjo do të thotë se ndryshimet e stilit të jetesës që reduktojnë obezitetin mund të zvogëlojnë gjithashtu efektet e problemit.
Edhe pse nuk ka asnjë aktivitet apo ushqim që mund të arrijë qëllimin për të penguar diabetin, ka studime që sugjerojnë se disa ushqime mund të ndihmojnë.
Diabeti shfaqet kur niveli i sheqerit në gjak rritet shumë për shkak të problemeve me mosprodhimin ose reagimin ndaj hormonit të insulinës. Një nga mënyrat më të rekomanduara për të vënë diabetin në kontroll është humbja e peshës.
Disa nga mënyrat më të forta për të humbur peshë janë të ndiqni një dietë mesdhetare me pak karbohidrate – që të dyja janë treguar se përmirësojnë menaxhimin e peshës. Por çfarëdo diete të zgjidhet, ka tre ushqime specifike që mund të dëshironi të përfshini: pjeshkë, kumbulla dhe nektarina.
Tre frutat me bërthamë janë treguar se “luftojnë potencialisht” sindromën metabolike – një përzierje vdekjeprurëse e presionit të lartë të gjakut, diabetit dhe obezitetit.
Një studim i publikuar nga Universiteti A&M i Teksasit zbuloi se frutat me bërthamë përfshijnë komponime kimike që njëkohësisht punojnë kundër tre pjesëve të sindromës metabolike.
Komponimet, të njohura si komponime fenolike, punojnë brenda qelizave specifike rreth trupit, siç janë ato që mbulojnë pjesën e brendshme të enëve të gjakut, duke rregulluar prodhimin e proteinave të caktuara.
