Raportimet e fundit nga Franca shkruajnë se Karim Benzema do të përfshihet në ekipin e gjelave këtë verë për Kampionatin Evropian.
Nëse kjo ndodh atëherë Les Bleus do të jetë kandidati kryesor.
Kjo pasi Franca ka disa lojtarë të klasit botëror si Kylian Mbappe, Paul Pogba, N’Golo Kante dhe Raphael Varane, por Benzema do ta bënte Francën të dukej e pandalshme, të paktën në letër.
Nëse Franca rreshtohet në një formacion 4-3-3, Benzema mund të drejtojë sulmin i shoqëruar nga Mbappe dhe Antoine Griezmann.
Përveç lojtarëve në formacionin e mundshëm ka edhe disa rezerva që po ashtu janë emra të shkëlqyeshëm për Didier Deschamps.
Dayot Upamecano, Tanguy Ndombele, Kingsley Coman, Ousmane Dembele, Thomas Lemar, Nabil Fekir, Olivier Giroud dhe Wissam Ben Yedder do të ishin në dispozicion të Didier Deschamps nëse ai kërkon të ndryshojë lojën.
