Legjenda e Chelseat dhe Italisë, Gianfranco Zola ka thënë se mesfushori Jorginho do të ishte një fitues më meritori i Topit të Artë sesa Lionel Messi.
29-vjeçari fitoi Ligën e Kampionëve me Chelsean dhe e ndoqi atë me një fushatë të shkëlqyeshme të Euro 2020 ndërsa Italia shkoi deri në fund dhe mundi Anglinë me penallti për të ngritur trofeun në Wembley.
Fitimi i dy trofeve më të çmuar evropian nga Jorginho me klubin dhe kombëtaren e kanë shtyrë atë në garë për çmimin individual më të pasur në futbollin botëror.
Messi është përsëri një nga favoritët për çmimin individual, sidomos pas fitimit të trofeut të parë evropian, pasi fitoi Copa America me Argjentinën.
34-vjeçari shënoi 38 gola në të gjitha garat për Barcelonën pasi ata fituan Copa del Rey dhe shënoi katër gola dhe bëri pesë asistime në një turne mahnitës të Copa America në Brazil.
Por Zola, i cili ka punuar me Jorginhon gjatë kohës që ka punuar si trajner me Chelsean, mendon se bashkatdhetari i tij është zgjedhja e duhur për Topin e Artë.
“Tani ne po flasim për një lojtar fantastik si Messi, i cili bëri gjëra të jashtëzakonshme për herë të parë me ekipin e tij kombëtar – dhe kjo nuk do të kalojë pa u vënë re”, ka thënë fillimisht Zola për Daily Mail.
“A duhet t’ia japin çmimin Jorginhos? Do të ishte e merituar”.
“Ai u jep ekuilibër dhe ritëm konkret ekipeve të tij. Unë isha me fat që e kisha atë në Chelsea dhe e di se çfarë bën në fushë”.
“Do të ishte e merituar sepse jo vetëm që performancat e tij ishin në një nivel të lartë, por ekipet për të cilat ai luajti kanë qenë të jashtëzakonshme”.
“Kjo duhet të merret parasysh”, përfundoi ish legjenda italiane. /Telegrafi/
