Lojtarët e Portugalisë duket se kanë ngritur një teori konspirative për Argjentinën dhe Lionel Messin pasi ëndrrat e tyre për Kampionatin Botëror u shkatërruan të shtunën në mbrëmje.
Duke shkuar në përballjen e tyre çerekfinale kundër Marokut, evropianët ishin favoritët e mëdhenj për të siguruar një vend në katërshen e fundit.
Megjithatë, Maroku bëri një paraqitje të shkëlqyer dhe sulmuesi i Sevillas, Youssef En Nesyri shënoi golin e vetëm të ndeshjes në minutën e 42-të për të pikëlluar Portugalinë.
Lojtarët portugez u rrënuan në bilbilin e fundit, me kapitenin Cristiano Ronaldo të pangushëllueshëm teksa shkoi nëpër tunel në vërshime lotësh. Ëndrra e 37-vjeçarit për Botëror tashmë kanë përfunduar.
Pas ndeshjes, lojtarët e Portugalisë kritikuan vendimin e FIFA-s për të lënë një gjyqtar nga Argjentina të merrte drejtimin e lojës. Mbrojtësi Pepe dhe mesfushori Bruno Fernandes la të kuptohet se organi drejtues i sportit dëshiron që Argjentina të fitojë turneun.
“Është e papranueshme që një arbitër argjentinas të gjykojë lojën tonë. Pas asaj që ndodhi dje, me Messin duke folur, e gjithë Argjentina po fliste dhe arbitri vjen këtu për të ndarë drejtësinë”, ka thënë Pepe.
“Nuk po them se ai vjen këtu i kushtëzuar…por çfarë luajtëm në pjesën e dytë? Nuk na lejuan të luanim pjesën e dytë”.
“Mund të vë bast se Argjentina do të jetë kampione”, vazhdoi ai.
Ndërsa Fernandes shtoi: “Ne tashmë e dimë se si funksionon… para ndeshjes ne e dinim tashmë se për çfarë ishim dhe çfarë lloj arbitri do të gjenim”.
“Nuk e di nëse do t’ia japin trofeun Argjentinës. Nuk më intereson, do të them atë që mendoj dhe do t’i prish. Është shumë e çuditshme që na drejton një gjyqtar nga një vend ende në garë… qartë, ata e kanë anuar kundër nesh”.
“Fatkeqësisht, në këto gara, ku nuk ka gjyqtarë portugez, ka gjyqtarë nga ekipet që janë ende në garë”, potencoi më tej anëtari i Manchester United.
Tifozët kanë reaguar ndaj komenteve të lojtarëve të Portugalisë.
Njëri tha: “Portugalia humbet dhe gjëja e parë që lojtarët e saj flasin është kundër Argjentinës”.
Një tjetër shkroi në Twitter: “Pse secili nga lojtarët e Portugalisë po e bën këtë kundër Argjentinës”.
Një tifoz i tretë shtoi: “Është qesharake të dëgjosh lojtarët e Portugalisë që fajësojnë Messin dhe skuadrën e Argjentinës. Pranojeni, djema ishit paraqitje mesatare”.
Argjentina do të përballet me Kroacinë për një vend në finalen e Kupës së Botës.
