Gjumi i mirë kërkon një jastëk dhe dyshek të mirë, por çfarë është saktësisht një jastëk i mirë
Konsiderohet se një jastëk i mirë është i butë, por megjithatë mbështet qafën dhe e mban trupin në pozicionin e duhur.
Llojet e ndryshme të jastëkëve kanë jetëgjatësi të ndryshme dhe ka teste të ndryshme që mund të bëni për të parë nëse është koha për të zëvendësuar jastëkun, transmeton Telegrafi.
Rregulli i përgjithshëm është që jastëkët duhet t’i ndërroni pas çdo disa vitesh, por kjo varet edhe nga disa faktorë të ndryshëm, si lloji i jastëkëve dhe sa shpesh i lani.
Kur të ndërroni jastëkun?
Larja dhe mbajtja e një jastëku mund të zgjasë jetën e tij. Kjo është arsyeja pse është e rëndësishme t’u përmbaheni udhëzimeve në etiketa.
Një nga këshillat është t’i pastroni herë pas here me fshesë me korrent për të hequr pluhurin që grumbullohet me kalimin e kohës.
Një test i thjeshtë mund t’i përgjigjet pyetjes suaj në mënyrën e duhur për kohën e duhur për të ndërruar jastëkët.
Së pari palosni jastëkun në gjysmë. Nëse qëndron kështu pasi ta lëshoni, është koha ta zëvendësoni.
