Nëse nuk dini nga të filloni, ne ju ofrojmë ide dhe këshilla!
Nëse filloni të rregulloni tani – nuk është vonë, sepse do të keni mundësi ta shijoni oazën tuaj në ambient të hapur për disa muaj, deri në fund të vjeshtës, transmeton Telegrafi.
Në planifikim, filloni me mobiliet themelore
Është gjithmonë e nevojshme të merren parasysh dëshirat dhe qëllimi i hapësirës – nëse duam një kënd të vogël e të rehatshëm për kafe të mëngjesit ose një pije freskuese në mbrëmje, një vend me një karrige pushimi pasdite dhe banjë dielli, një qëndrim ditor të shkurtër për kafe me tavolinë dhe divan ose tryezë ngrënieje me të paktën katër karrige.
Mobiliet përshtatjani hapësirës
Nëse hapësira është e vogël, merrni parasysh mobiliet e palosshme ose një stol në kënd ku mund të rrinë më shumë njerëz në tryezë.
Sallonet kanë variante të shumta të mobilieve për ambiente të jashtme, thjesht duhet të zgjidhni ato që u përshtaten nevojave tuaja!
Kënaqësia me një vakt në natyrë
Plotësoni mobiliet e këndit të ngrënies me një skarë ku do të përgatitni vakte të shijshme, nëse keni një kuzhinë të vogël kopshti, është një ide e shkëlqyeshme ta pajisni atë me një blender, sepse gjithmonë do të keni një pije të freskët dhe të shëndetshme.
Krijoni një atmosferë me gjelbërim dhe detaje
Lulet dhe bimët me të vërtetë ndihmojnë në krijimin e një oaze të gjelbër në ambient të hapur, qoftë kur mbjellim shkurre, lule në saksi, ose kur krijojmë një kopsht vertikal.
Zbukurimet dhe ndriçimi do të krijojnë një atmosferë të ngrohtë dhe magjike në ambient të hapur!
Nëse hapësira juaj e jashtme nuk është e mbrojtur, merrni parasysh një çadër që do t’ju mbrojë nga dielli në ditët e ngrohta. Një alternativë ndaj çadrave është një tendë që do të fiksohet në fasadën tuaj gjatë gjithë vitit.
