Derisa temperaturat rriten dhe stina e verës po afron, shumë jemi të prirur të flemë me dritare hapur.
Megjithatë, nëse pickoheni nga mushkonjat, vera që po afron mund t’ju mbushë me një ndjenjë frike, shkruan Express.co.uk.
Por, një eksperte e kopshtarisë duket se ka një zgjidhje për largimin e insekteve të bezdisshme.
Ajo përmes një videoje në TikTok tregoi se si mund t’i largoni insektet nga oborri dhe kopshti i juaj.
Për të larguar insektet nga shtëpia, një bimë që duhet marrë parasysh është bima Citronella.
Kjo bimë me gjelbërim të përhershëm është e përkryer për kopshtin dhe nxjerr një aromë të këndshme limoni të freskët.
Dy bimë të tjera që njihen që “zmbrapsin mushkonjat”, sipas saj janë livanda dhe bari i limonit.
