Qeveria e re do të formohet pas festës së Bajramit, më 19 ose 20 qershor. Kështu ka bërë të ditur sot në një prononcim për Tv Alsat kryetari i Lëvizjes Demokratike, pjesë e koalicionit VLEN, Izet Majiti, duke theksuar se me gjasë do të jetë zëvendëskryeministri i parë dhe ministër i ekologjisë, ndërsa Arbeni Taravari nga Aleanca për Shqiptarët, ministër i Shëndetësisë.
“Unë dhe Tharavari ka të ngjarë të jemi në ekzekutiv. Unë do të mbaj postin e zëvendëskryeministrit dhe ministrit të Ekologjisë, ndërsa Taravari do të drejtojë sërish dikasterin e shëndetësisë. Kasami do të kthehet sërish në Tetovë, për të përfunduar mandatin, të cilin e ka nisur me sukses. VLEN do të ketë dy zëvendëskryeministra shqiptarë në pushtetin e ri ekzekutiv.
“Arben Fetai nga Aleanca për Shqiptarët e Taravarit do të jetë kandidat serioz për postin e zëvendëskryeministrit për qeverisje të mirë. Këto ditë do të merret vendimi për postin e zëvendëskryeministrit për Integrimet Evropiane, i cili duhet t’i takojë Alternativës për Shqiptarët. Besa në anën tjetër duhet të vendos për postet ministrore për ekonomi dhe politikë sociale”, thotë Mexhiti.
