Sot kryeministri Hristijan Mickoski foli në lidhje me ditën kur Gjykata Kushtetuese duhet të mbajë debatin për kushtetutshmërinë e Ligjit për gjuhët. Sipas tij, duhet të presim të vijë 11 dhjetori, e të shohim se si do të zhvillohet dhe evoluojë e gjithë kjo. Mickoski tha se bëhet fjalë për gjyqtarë kushtetues të zgjedhur nga shumica e udhëhequr nga LSDM dhe BDI, të cilët tani po kritikohen nga BDI, përcjell Nistori.
Kryeministri është i vendosur se nuk ka asnjë rrezik për sigurinë e shtetit, përkundër qëndrimit të BDI-së se “ky ligj është produkt i një kompromisi të komplikuar, i arritur pas shumë vitesh negociata të vështira dhe një vendim që do të shkelte do të përfaqësonte një kthim në një të ardhme të pasigurt dhe problematike”.
“Le të presim, le të vijë 11 dhjetori, të shohim se si do të zhvillohet dhe evoluojë e gjithë kjo. Shqetësimi juaj është i drejtë sepse gjyqtarët e zgjedhur nga BDI dhe LSDM tani po sulmohen nga e njëjta BDI dhe kur është fjala për mbrojtjen e kriminelëve që kanë kryer krime, po këta prokurorë dhe gjyqtarë janë në mbrojtje të tyre. Kjo është paksa e çuditshme, por do të shohim, koha do të tregojë”, është përgjigjur Mickoski në pyetjen e një gazetari në një konferencë për media në Qeveri.
Ai përmendi edhe një herë se nuk ka asnjë rrezik siguri. /Nistori/
