Më 31 maj dhe 11 qershor, Qendra Shtetërore e Provimeve do të organizojë provimin shtetërorë për maturantët. Provimi i parë është në gjuhën amtare dhe letërsi, si një provim obligative për të gjithë nxënësit, kështu që në gjuhën maqedonase në këtë provim do të përfshihen 9.969 nxënës, në gjuhën shqipe 4.339, në gjuhën turke 292 dhe 10 nxënës në gjuhën serbe. Alsat bisedoi me disa nga maturantërt e gjimnazit “Zef Lush Marku” në Shkup të cilët po bënin përgatitjet e fundit për këto provime.
“Mendoj që përgatitjet janë shumë të nevojshme për shkak se sado ekselent që të kesh qenë këto katër vite në gjimnaz duhet një rikujtim, një ripërsëritje. Ka detaje të cilat duhet të memorizohen, ka data, ka shkrimtarë dhe e bëjnë të pamundurën profesorët tonë që ta na përgadisin, sidomos kujdestarja ime Sadike Tahiri e cila këto katër vite ishte e mrekullueshme”, tha një maturante.
“Jeni njoftu edhe me pyetjet që kanë qenë viteve të kaluara? Përafërsisht po, bashkë me profesorët I kemi mësu, I kemi shqyrtu prej në internet, ka disa verzione nga testimet më të mëoparshme që kanë qenë, të viteve të kaluara. Mendoj të studioj teknologji ushqimore në lidhje me biologjinë dhe shkencat natyrore në universitetin “Nëna Terezë” në Shkup”, shtoi një maturant.
Paraprakisht, maturantët kaluan edhe dy provime interne në lëndët që ato kishin mundësi ti zgjedhin. Maturanti Endrit Hoxha kishte zgjedhur fizike dhe sociologji për provimet interne avarësisht që studimet nuk do ti vazhdoj në këto lëmi.
“Të ardhmen time e kam vendos për marketing dhe menaxhment, këto teste nuk janë baza e të ardhmes time, di¬çka tjetër jashtë këtyre testeve mirëpo kam pas dëshirë ta testoj vetën se çfarë kam mësuar gjatë këtyre katër viteve. I kemi pas testet e kaluara që kanë qenë, viteve të kaluara falë profesoreshave Sadike dhe Besforta, kemi arrit ti ushtrojmë të gjitha testet dhe të përgatetitemi për testine ardhës më 31 maj dhe gjatë muajit qershor”, tha një maturant.
Maturës shtetërore planifikohet t’i nënshtrohen 15 004 mijë nxënës, ndërsa edhe këtë vit interesimi më i madh është për gjuhën angleze 13 457, matematikë 1.246, gjuhë gjermane 73, 24 gjuhë frënge dhe 62 në estetikë. Në këto teste, 8.816 nxënës janë nga shkollat e mesme profesionale, 5.966 nga gjimnazet dhe 222 nga shkollat e arsimit artistik. Nxënësit që nuk do të arrijnë të kalojnë me sukses provimin në afatin e qershorit, do të mund të hyjnë në afatin e gushtit. Për realizimin e maturës shtetërore janë angazhuar 2 mijë testues./Alsat.
