E strukur në një cep të rrugës, në një ditë me shi, një pensioniste 65 vjeçare, priste blerësit e lakrave, çmimi i të cilave këtë vit është 25 denarë për kilogram me pakicë.
“Këto fleta i largojmë që të mos kenë dyshime se a kanë insekte, dhe ja.”
Është punë e vështirë, thonë shitësit e lakrës, sepse koha e mbjelljes është në kohën më të nxehtë të vitit ndërsa shitja behët në vjeshtë, kur temperaturat janë të ulëta. E nëse do të shiten apo jo, fatit nuk i dihet, thonë shitësit.
Anketë me Ubavka Dimitrievska – Shitëse lakrash
• Si shkon puna?
• E vështirë.
• Perse?
• Sepse nuk ka çmim, hibridin e shesin me 20 denarë ndërsa ne farën e vjetër nuk mund ta shesim.
• Sa është një kilogram?
• 30 denarë, kjo lakër që nuk është hibrid, kjo është, gjatë gjithë ditës jemi këtu për asgjë.
• A ka shitje?
• Shumë pak, më shumë blejnë atë hibrid e ajo nuk është e mirë aspak.
Në një cep tjetër edhe një grua tjetër e cila po ashtu pret blerësin e parë të lakrës por që blerësit gjithnjë e më shumë janë më të rrallë.
Anketë me Kate Mladenovska – Shitëse lakrash.
• Është punë e vështirë pasi gjatë verës kur është nxehet behet mbjellja ndërsa në temperatura të ulëta behet vjelja dhe shitja por nuk ka blerës, është ulur ndjeshëm shitja.
• Sot a kishit shitje në këtë ditë me shi?
• Sot nuk kisha shitje aspak , sot asgjë ndërsa këtu jam që nga mëngjesi, dola në ora 6:30 ndërsa do të rri këtu deri në ora 16:00.
• “Këtë vit çmimi është i mirë, nga 20 denarë deri në 30 denarë por nuk ka shitje, vitin e kaluar ishte shumë më mirë dhe çmimi ishte më i lartë dhe më shumë kishte shitje se këtë vit.
Sipas shitësve, çmimi i lakrës këtë vit janë ndikuar jo vetëm nga vështirësitë e motit dhe kostot e kultivimit, por edhe nga produktet e gatshme të importuara neper markete, gjë që ka ulur ndjeshëm kërkesën dhe shitjen e prodhimit vendas. Sipas shitësve, qytetarët gjithnjë e më rrallë blejnë lakrat për të bërë turshi, duke zgjedhur produktet e gatshme të importuara./Alsat/
