Kasami takohet me Zaevin dhe diskutojnë për bashkëpunim të mundshëm në zgjedhjet lokale

Në selinë Qendrore të Lëvizjes BESA në Shkup, Kryetari Bilall Kasami dhe sekretari i përgjithshëm Arjanit Hoxha, kanë pritur në takim kryeministrin e Maqedonisë së Veriut, Zoran Zaev njëherit edhe ministrin e Shëndetësisë, Venko Filipçe, njofton Nistori.

Në këtë takim, si partnerë të koalicionit qeverisës që udhëhiqet nga LSDM, është diskutuar për situatën aktuale politike në vend dhe për shumë çështje të tjera. Temë e takimit të sotëm ishin edhe zgjedhjet lokale që pritet të mbahen në tetor. /Nistori/