Ledion Mulaki, djaloshi 12 vjeçar nga Tetova do të luaj rolin e Nikut, djalit të Rexhos, në filmin e metrazhit të gjatë “Everybody calls Redjo” i cili do të xhirohet së shpejti. Me skenar të Ibër Dearit dhe Artin Selmanit si dhe regji të Ibër Dearit, filmi ka marrë dritën e gjelbër nga Agjencia e Filmit e Maqedonisë së Veriut, përcjell Nistori.
Ledion Mulaki, një talent i ri i aktrimit, që në moshë të vogël është marrë me modelim. Talenti i tij ka spikatur në disa filma shqiptarë në Shqipëri dhe një film serial në Kosovë, si dhe është pjesë e disa reklamave.
Aktori i vogël është shprehur që është shumë i lumtur dhe i entuziazmuar që do të luaj si protagonist përkrah aktorëve të njohur nga Maqdonia e Veriut dhe nga trevat e tjera shqiptare në filmin “Everybody calls Redjo” (Të gjithë thërrasin Rexhon). /Nistori/