Gënjeshtrat

    Dritëro Agolli

    O popull,ç’të bëjnë!
    Të japin lodra të luash,
    Të mbajnë me përralla,
    Të flesh në shtrat sa të duash,
    Pa zhurma e andralla,
    Të quajnë të vogël,
    Dhe thonë se ende s’di shumë,
    Të japin në duar një lodër
    Dhe thonë:
    pusho, mos bëj zhurmë!
    Refren i përhershëm në kohët.
    O popull, ç’të bëjnë!
    Të thonë:
    “Gërvisht e fito” në letra!.
    Dhe ti gërvisht me thonjtë e paprerë
    Nën mëngët e vjetra ,
    Dhe fati s’të vjen asnjëherë.
    Të marrën përdore me lekë
    T’i shohësh Miss-et,
    Kur zhveshur kërcejnë,
    Me brekë e pa brekë,
    Në skenë.
    O popull, ç’të bëjnë!
    Të japin lodra në duar
    Me Tomin dhe Xherrin ,
    Të bëhesh fëmijë i duruar ,
    Mos njohësh telashin dhe sherrin.

    Lajmi Paraprak

    Thëniet më të bukura nga Milan Kundera

    Lajme tjera

    Bashkohu

    Informohu në kohë