Avni Tahiri
Në ke mall
Në ke mall të ndjesh kombësinë
Eja dhe frymo ku unë frymoj
Në ke mall të ndjesh frikën e ardhmërisë
Eja këtu jeto ku unë frymoj
Në ke mall të kapërdish urrejtjen
Eja frymo ku ngulfatem unë
Në ke mall të ruash traditën
Eja shijo ku unë gëzoj
Në ke mall të ndjesh përbuzjen
Eja dhe ndjeje ku unë gjallëroj
Në ke mall të duash vendlindjen
Eja tek unë se do të mësoj
Në ke mall të kthesh fanatizmin e dashurisë ndaj gjuhës
Eja këtu sepse unë të mësoj
Në ke mall të ndjesh dhimbje ndaj popullit tënd
Eja se jam i gatshëm të të mësoj.