Kujtim Shabani
Ne kemi për të marrë,
ne s’kemi për të dhënë.
Ne s’jemi të mërguar,
ne jemi të përzënë.
Ne jemi të shpërfillur,
ne s’jemi të paditur.
Ne s’jemi të fjetur,
ne jemi të sfilitur.
Ne s’jemi të shëmtuar,
ne jemi të ngrysur.
Ne s’jemi të humbur,
ne jemi të braktisur.
Ne s’jemi të përulur,
ne jemi të shtypur.
Ne e kemi merituar,
ne s’kemi lypur…
Ne s’jemi të ndryshëm,
ne jemi të copëtuar.
Ne kemi rënë fli,
ne kurrë s’jemi dorëzur.
Ura e Kamarës, monumenti kulturor 400 vjeçar
Nëse udhëton në rrugën nacionale Elbasan-Librazhd, një ndër objektet më interesante që mund të të zënë sytë është…