Burhan Fili
Tiranë
Nëse don nji popull lehtë ta sundosh,
nji mori hallesh duhet t’i krijosh…
në punë, administratë, e trafik,
nga prangat e halleve s’ka ku me ikë.
Me ngritje çmimesh e taksa tjera,
politikani i regjur ti len të dera…
Lene të shajë, të çirret e të shfryjë,
‘dyert’ ia ke dyllosë… nuk ka ku të hyjë.
Poshtë e lartë do japë e do vejë,
me vehte do të flasin si budallenjë…
Por të tillë ata nuk janë,
ama halle të mëdha kanë.
Kështu bajnë politikanët me popullin e gjorë,
në parti të ndryshme kalon dorë më dorë.
A kjo asht ajo që e quajnë liri,
e ashtuquajtura demokraci?
E me kyt bindje popujt rrapatosen,
andrrat e tyre në humnerë groposen…
Çohu o njeri ma në gjumë mos flej,
me dritën e ndërgjegjes rrugën gjej!
Mos e lejo politikanin më prrofka të gënjejë,
për jetë ma të mirë duhet të jesh i dejë.
Por nëse këtë me ngulm se kërkon,
faji asht i joti, s’ke pse ankon.
