Nga: Michael C. Keith
Përktheu: Fadil Bajraj
Ai i jepte gruas së tij të lexonte gjithçka që shkruante. Ajo e bën këtë me dëshirë dhe ndërgjegje, duke e lavdëruar atë kur tregimet e tij e meritojnë, por duke i mbajtur mendimet e saj për vete kur nuk e meritojnë. Burri i saj është veçanërisht i ndjeshëm ndaj kritikave mbi shkrimet e tij. Ajo këtë e ka mësuar në mënyrën më të vështirë të mundshme. Këtë herë, ajo vendos se nuk mund ta mbajë për vete mendimin e saj, sepse ajo është e sigurt që ajo që ka shkruar bashkëshorti i saj është plagjiaturë. Ajo beson se është një akt i pavetëdijshëm, kështu që mendon se ai mund të mos shqetësohet edhe aq shumë nëse ia bën me dije këtë vaki. Në fund të fundit, nuk është shkrimi i tij, i thotë ajo vetes.
