Në spitalet e Shkupit nuk funksionon projekti i promovuar në vitin 2017 “Mirë se vjen bebe”, ku prindërit detyrohen të presin përsëri nëpër sportele për certifikatën e lindjes, dhe jo certifikatën e lindjes ta marrin në afat prej 48-orëve derisa nëna qëndron në maternitet. Kjo, për shkak të pandemisë nuk funksionon që nga gjysma e vitit të kaluar, shkruan Nistori.
Nistori ka kontaktuar edhe Spitalin e Tetovës nëse një gjë e tillë është duke ndodhur edhe me Repartin e Gjinekologjisë në Tetovë. Nga atje thonë se një gjë e tillë nuk ndodh edhe me spitalin e Tetovës dhe se sistemi ka funksionuar rregullisht.
“Sistemi ka funksionuar si çdoherë dhe nuk ka pas ndërprerje. Madje, certifikatat e lindjes janë marrë para se të bëhen 48 orë dhe gjithçka ka shkuar në rregull. Nuk i kemi lënë prindërit të enden sporteleve për shkak të situatës me pandeminë”, shprehet infermierja kryesore e repartit të gjinekologjisë, Zibushe Rexhaj. /Nistori/
