Politkologu, Bllagojçe Atanasoski, i ftuar në emisionin e sontëm “360 Gradë” në Alsat deklaroi se afatet ligjore për mbajtjen e zgjedhjeve presidenciale dhe parlamentare nuk përputhen, që të mund në të njëjtën kohë të kemi zgjedhje për shumicë parlamentare dhe për president të shtetit.
“Afatet e përcaktuara me ligj shkojnë në drejtim që vitin e ardhshëm, në rast se mbahen zgjedhjet e rregullta parlamentare, definitivisht ne do të kemi veçmas zgjedhje presidenciale dhe veçmas parlamentare”, tha Atanasoski.
Kërtolica: Zgjedhje parlamentare bashkë me raundin e dytë të zgjedhjeve presidenciale
Docenti i fakultetit Juridik “Justiniani i Parë” Marko Kërtolica, tha se varianti që në të njëjtin termin të kemi edhe zgjedhje parlamentare edhe presidenciale do të ishte e mundshme vetëm në rast se terminët e tyre harmonizohen gjatë raundit të dytë të zgjedhjeve presidenciale.
“Në rast se shkojmë në zgjedhje të parakohshme parlamentare, çështja e afateve do të ishte e pabazë, sepse këtu do të mund të kurdiset që zgjedhjet e parakohshme parlamentare të mund të organizohen bashkë me raundin e dytë të zgjedhjeve presidenciale. Mjaftueshëm në kohë që të mund të zgjidhet presidenti i ri para skadimit të mandatit të presidentit aktual”, tha Marko Kërtolica, Docent i fakultetit Juridik “Justiniani i Parë”. /Nistori/
