Ministri i Jashtëm i Ukrainës Dmytro Kuleba tha të dielën se ishte një “gabim strategjik” i Gjermanisë dhe Francës që nuk lejuan Ukrainën të anëtarësohej në NATO në vitin 2008.
“Nëse ne do të ishim një anëtar i NATO-s, kjo luftë nuk do të ndodhte”, tha Kuleba në një intervistë të dielën për NBC.
“Gabimi strategjik që u bë në vitin 2008 nga Gjermania dhe Franca, të cilët hodhën poshtë përpjekjet e Shteteve të Bashkuara dhe aleatëve të tjerë për të futur Ukrainën brenda, është diçka për të cilën ne po e paguajmë”, tha Kuleba.
“Nuk është Gjermania apo Franca që po paguajnë koston për këtë gabim, ajo është Ukraina”, shtoi ai.
Ukrainian Foreign Minister: 'Ukraine won the battle for Kyiv. Now another battle is coming'https://t.co/qCW3xpc86P pic.twitter.com/9h0GZzGRlW
— Meet the Press (@MeetThePress) April 10, 2022
Ndryshe, Ukraina tashmë ka pranuar që mos të aplikojë për anëtarësim në aleancën më të madhe ushtarake në botë me kushtin që Rusia të ndalojë agresionin.
