Presidenca portugeze me BE-në me angazhim të përforcuar që të zhbllokohet procesi
dhe Maqedonia e Veriut t’i fillojë bisedimet për anëtarësim me Unionin.
Sot në Shkup arrijnë eurokomisari për Zgjerim, Oliver Varheji dhe shefi i diplomacisë portugeze
Augusto Santosh Silva, të cilët sipas paralajmërimeve nga Brukseli, do të sjellin propozim
për zhbllokimin e vetos së Bullgarisë për Maqedoninë e Veriut dhe për miratimin e
mbajtjes formale të Konferencës së Parë Ndërqeveritare.
Nëse vendet anëtare të BE-së
arrijnë pajtueshmëri deri më 22 qershor për Maqedoninë e Veriut dhe nëse kornizën e
bisedimeve e përmbush edhe pala nga Maqedonia e Veriut, konferenca e parë
ndërqeveritare do të mund të mbahej ndërmjet 22 dhe 30 qershorit të këtij viti. /AIM/
